Сè уште сме во почетната фаза од Лигата на шампионите, но веќе ќе почнат да се одвојуваат фаворитите од аутсајдерите по третото коло, кое се игра денеска и утре.
Рекордни 78 гола во второто коло, вкупно 147 од почетокот на сезоната, просек од 4,08 гола по натпревар.
Зголемувањето на бројот на голови нè враќа во една мината ера и времето на Купот на шампионите, а тимовите очигледно играат порелаксирано, што беше овозможено со новиот формат воведен пред три сезони.
Во ова коло ќе имаме две навистина големи дербија, а првото е на програмата во Париз, каде што европскиот шампион ПСЖ ја пречекува моќната Барселона.
Тимови како Манчестер Сити, Атлетик, Ливерпул ќе бидат на сцената овој вторник…
Баерн и Арсенал играат еден ден подоцна, но повеќето би рекле дека натпреварот на „Паркот на принцовите“ е она што се очекува.
Претходниот натпревар одигран во лигашката фаза минатата сезона им припадна на ПСЖ на Монжуик (2-1), благодарение на голот во доцниот период на Гонсало Рамос.
„Светците“ овој пат играат како домаќини и, иако двата тима имаат проблеми со повреди, очекувањата се високи во однос на квалитетот на фудбалот.
Барселона руши рекорди во Ла Лига, бркајќи ја третата титула по ред, но овој предизвик е малку поинаков.
ПСЖ имаше слаб почеток на сезоната, но минатата недела во првите 35 минути на „Етихад“, нè потсетија колку е силен тимот на Луис Енрике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
