Прволигашката кошарка денеска се враќа во етерот со две средби од 19. коло во кои силите ќе си ги одмерат Гостивар и Кожув, односно Академија ФМП и Вардар од 18 часот.
Гостиварци и гевгеличани на овој натпревар влегуваат со серија од два порази во низа, па победата ќе биде императив за „сино-белите“ и „црвено-белите“. Она што ги одликувата двата тима е шутот за три поени кој доколку функционира кај Гостивар и Кожув ни претстои феноменално „артилериско“ шоу.
Првиот натпревар помеѓу овие два противника заврши со убедлива победа на Кожув на домашен терен, па Гостивар ќе има и мотив повеќе да го одбрани „Младост“.
Во истиот момент ќе започне и дуелот помеѓу Академија ФМП и Вардар во Кисела Вода, натпревар во кој избраниците на Петровиќ влегуваат по победите над МЗТ Скопје и Кожув. Слично како и „академиците“, Вардар им се врати на победите со триумф над МЗТ Скопје 2 во последното коло, па „црвено-црните“ ќе бараат влез во нова победничка серија која може да биде и клучна во борбата за опстанок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА