Гостивар оваа сезона не ги исполни очекувањата откако „сино-белите“ сезоната ја завршија во четвртфиналето од Купот на Македонија и домашното првенство, а во двата наврати беа запрени од Еуро Никел.
Меѓутоа во Гостивар веќе се работи на составување на тимот за следната сезона, а по продолжување на соработката со Александар Јончевски, клубот сега го задржа и дел од „костурот“ на тимот кој веќе неколку сезони ја брани честа на овој тим.
Во клубот и следната сезона остануваат браќата Роберт и Ренато Димитиевски кои поради повреди не можеа потполно да му помогнат на својот клуб оваа сезона, како и поранешните репрезентативци Александар Костоски и Марјан Јанески. Гостивар оваа сезона не ги погоди во целост странските засилувања, меѓутоа оној кој ги исполни очекувањата, Александар Тодоровиќ и следната сезона ќе биде дел од тимот.
Претходно клубот го напуштија Диме Тасовски кој стави крај на белскавата кариера, како и Ивица Димчевски кој по четири сезони реши да ги промени клупските бои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
