Менаџерот на Манчестер сити, Пеп Гвардиола не штеди пофални зборови за својот следен ривал, екипата на Ливерпул со која се соочува денеска од 13:30 часот во Премиер лигата.
Најпрво Јирген Клоп вчера истакна дека Сити дефинитивно ќе се бори за титулата откако потрошија повеќе од 200 милиони фунти на засилувања, а сега Пеп возврати со пофалбите.
„Се разбира дека ќе биде тешко со Ливерпул. Тие секогаш се кандидати за титула, и така е сега и засекогаш во иднина. Ливерпул и Јунајтед се најуспешните клубови во Англија и во Европа, дури и покрај тоа што ‘црвените’ долго не освоиле титула“ – истакна Гвардиола.
Ливерпул последен пат шампион на Англија беше пред 27 години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
