Менаџерот на Манчестер Сити, Пеп Гвардиола предупредува дека реваншот со Пари Сен Жермен ќе биде најтешкиот натпревар со кој се соочуваат „граѓаните“ оваа сезона.
Манчестер Сити забележа победа од 2-1 на првиот полуфинален натпревар на гости во Париз и е на чекор до историскиот прв пласман во финалето на Лигата на шампионите. Но, шпанскиот стручњак, за кого ова ќе биде прво финале во Лигата на шампионите од 2011 година кога го освои трофејот како тренер на Барселона, вели дека има доволно искуство да знае дека неговиот тим е се уште далеку од последниот натпревар во Истанбул.
„Според моето искуство, реваншот во полуфиналето е секогаш тежок. Влегувате во натпреварот свесен за резултатите од првиот натпревар и со размислувања за финалето и понекогаш заборавате што треба да направите за да го победите ривалот. Затоа одмаздата е психички многу тешка. Финалето е нешто сосема друго“, смета Гвардиола.
Каталонецот стигна до финалето двапати и го освои трофејот со Барселона (двата пати против Манчестер Јунајтед). Последен пат беше во 2011 година. После тоа, тој загуби дури три полуфиналиња со Баерн, додека со Манчестер Сити, тој никогаш не стигна до најдобрите четири екипи во Лигата на шампионите до оваа година. Затоа овојпат е многу внимателен.
„Би сакал да кажам дека научивме лекции од претходните порази, но никогаш не можете да знаете како некој ќе реагира – тоа е секогаш мистерија. Фудбалот е убав затоа што е непредвидлив. Имаше разочарувачки резултати, но животот секогаш ви дава друга можност, друг предизвик“, заклучи Пеп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
