Ерлинг Халанд продолжи со извонредните настапи на почетокот од авантурата во Борусија Дортмунд, на хет-трикот со Аугсбург надоврзувајќи се со два гола на синоќешниот дуел против Келн. Норвешкиот тинејџер веќе има пет погодоци иако на теренот мина само 59 минути во дресот на „милионерите“ на Дортмунд, покажувајќи дека е фантастична инвестиција на овој клуб.
Манчестер Јунајтед долго преговараше со Халанд, но на крајот ја загуби оваа трка, па затоа уште попоразителен е фактот дека Халанд за 59 минути има постигнато повеќе голови од цел тим на „црвените ѓаволи“ за 360 минути игра во Премиер-лигата во новата година. Избраниците на Солскјер постигнаа само четири погодоци, сите на дуелот со Норвич, губејќи ги останатите три средби во елитното англиско фудбалско друштво.
По ваквиот развој на настаните, јасно е зошто фановите на Манчестер се бесни на директорот Вудворд и неговите промашени трансфер-стратегии.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
