Романската тенисерка Симона Халеп на експресен начин го заврши настапот на турнирот во Пекинг. Таа се повлече уште на стартот од мечевите, откако се повреди и го предаде дуелот со Онс Жабур од Тунис, која е 113.тенисерка на ВТА листата.
Халеп го загуби првиот сет со 6-1 во гемови и беше повеќе од очигледно дека поради повредата не може да го даде својот максимум. Тунижанката Жабур изненадувачки лесно го комплетираше првиот сет, а потоа Халеп и го предаде мечот, неможејќи да го продолжи овој дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
