Бев убеден дека нема да ми ја одземат победата, изјави Луис Хамилтон откако беше расчистен случајот околу неговата грешка во возењето на трката за Големата награда на Германија од Формула 1 шампионатот. Актуелниот шампион мораше да чека два и пол часа на одлуката на стјуардите по драматичната трка во која, Фетел не дојде до финишот, а Британецот триумфираше. Хамилтон ја задржа победата, а доби само укор.
„Нема да ми ја одземат“ – им рекол Хамлтон на членовите на неговиот тим пред да оди да сведочи за обвинувањето дека направил грешка во возењето во моментите кога имаше безбедносно возило на патеката, а тој пресече преку тревата и ја задржа позицијата.
„Никој не сака да оди кај стјуардите. Тие ја имаат најтешката работа, но ова беше неверојатен ден. Знаев дека ќе заврши добро“ – изјави Хамилтон.
По трката во Германија, пилотот на Мерцедес се врати на лидерската позиција во генералниот поредок со 17 бода повеќе од Себастијан Фетел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
