Капитенот на Шкендија, Ферхан Хасани не го криеше задоволството по првата пролетна победа на стартот од вториот дел од шампионатот. Македонскиот репрезентативец вели дека можело да се забележи и поубедлива победа против Силекс од онаа од 2-0, ако и самиот не промашеше и пенал во второто полувреме, но во тимот секако се задоволни од пролетниот старт.
„Запишавме значајна победа. Можевме да стигниме и до поубедлив триумф, но секако сме задоволни. Знаевме дека Силекс е цврст противник кој тешко прима, но постигнавме погодок во вистински момент пред крајот на полувремето, и потоа беше полесно во вториот дел“ – вели Хасани.
Слично е размислувањето и на тренерот Томас Брдариќ, кој со победа дебитираше на клупата на Шкендија…
„Горд сум на тимот и начинот на кој се стигна до победата која можеше да биде и поубедлива. Задоволен сум од прикажаното издание, но и од целокупниот амбиент во Тетово и поддршката која фудбалерите ја имаа од трибините“ – рече Брдариќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
