Младинскиот репрезентативец на Македонија, Владан Новевски игра во извонредна форма во дресот на Војводина издвојувајќи се како нов лидер на младинскиот тим на црвено-белите од Нови Сад на стартот од новата сезона во Србија.
Војводина триумфираше со 1-4 на гостувањето против Бачка Топола, притоа со хет-трик на македонскиот репрезентативец. Новевски, согласно квалитетите и потенцијалот, во летниот период беше приклучен и на подготовките на сениорскиот состав на Војводина одигрувајќи и неколку пријателски натпревари за првиот тим на новосаѓани, по што веќе има и понуди од клубот за прв професионален договор.
17-годишниот Владан Новевски неодамна беше дел и од националниот тим до 18 години на турнирот во Чешка каде беше стрелец за Македонија во триумфот од 3-0 против Унгарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА