Легендарната Ирене Вурст стигна до нов златен медал во брзо лизгање на Зимските олимписки игри. Холанѓанката денеска беше најбрза на трката на 1500 метри поставувајќи време 1:53.28 што беше доволно за нов олимписки рекорд.
Второто место и припадна на светската рекордерка Михо Такаги која на крајот потклекна под притисокот иако пред стартот на трката беше прва фаворитка. Бронзениот медал и припадна на втората Холанѓанка Антоанет де Јонг.
За Вурст ова е шести златен медал на зимските олимписки игри, а првиот го освои веќе далечната 2006 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
