Исланд продолжува да испишува нови страници од својата фудбалска историја откако по фантастичниот настап на ЕП 2016 сега оваа мала земја сериозно атакува и на виза за мундијалот во Русија. Исланѓаните вечерва славеа над Хрватска со минимални 1-0, израмнувајќи се со „коцкестите“ на делба на првото место во својата група. Мечот во Рејкјавик мина со многу борба, но без вистински шанси, а како клучна се покажа последната 90. минута, кога Исланд го постигна победничкиот гол преку Магнусон.
Hordur Bjorvin Magnusson GOAL HD Iceland 1-0… by Saiko-1
Интересно и неизвесно беше на „Маракана“ во Белград, каде Србија со многу мака стигна до бод против Велс (1-1). Гостите допатуваа без Герет Бејл, но сепак први поведоа со пеналот на Рамзи. Српскиот состав имаше повеќе од играта и заслужено стигна до израмнување преку Митровиќ, за потоа и покрај неколкуте шанси да не успее да направи целосен пресврт.
Aleksandar Mitrovic GOAL HD – Serbia 1-1 Wales… by jason-pitt1
ГРУПА Д: Србија – Велс 1-1, Р. Ирска – Австрија 1-1, Молдавија – Грузија 2-2.
Табела: Србија 12, Ирска 12, Велс 8, Австрија 8, Грузија 3, Молдавија 2.
ГРУПА И: Исланд – Хрватска 1-0, Косово – Турција 1-4, Финска – Украина 1-2.
Табела: Хрватска 13, Исланд 13, Украина 11, Турција 11, Финска 1, Косово 1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
