Младите фудбалери на Вардар, Џемаил Ибиши и Бојан Димоски, потпишаа професинални договори со „црвено-црните“. Двајцата ставија потписи на договорите кои што се во трајност од три години, до јануари 2022 година.
18-годишниот напаѓач Ибиши веќе неколку месеци е дел од сениорскиот тим на Вардар. Играше на неколку средби во есенскиот дел од сезоната, а претходно во клубот пристигна од младинските категории на Металург.
„Среќен сум што потпишав професионален договор со Вардар и што сум дел од овој тим. Не верував дека ова ќе се случи, но со напорна работа се е можно. Сега останува само напорно да тренирам и да се наметнам кај стручниот штаб. Верувам дека во пролетниот дел ќе ја освоиме титулата и ќе завршиме во првото место“ – вели Ибиши кој што има право за настап и за младинците и за кадетите на Вардар.
Бојан Димоски ги мина подготовките на Вардар во Аланија, и одигра неколку контролни натпревари. Димоски бил дел од младинските тимови на Пролетер и Тетекс, а пред две години пристигна во Вардар, прво во младите категории, а сега е дел од сениорите.
„Ми се исполни сонот да бидам дел од сениорскиот тим на Вардар. Тоа ми желба уште кога дојдов пред две години тука од тимот на Тетекс. Добро работевме на подготовките во Турција, и се надевам дека ќе ја оправдам довербата кај стручниот штаб и дека ќе добивам шанса да настапувам. Се разбира дека целта во пролетниот дел е освојување на првото место“ – рече Димоски по потписот на договорот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
