Играчи се менуваат – страста за „Дела Мадонина“ останува: Пандев пред 10 години го одбележа миланското дерби (ВИДЕО)

Фудбалскиот свет вечерва со погледите кон „Џузепе Меаца“ каде Интер и Милан во 23. коло од Серија А ја очекуваат 225-то меѓусебна дерби пресметка.

Голем број фудбалери го делеа дресот на двата тима во минатото, меѓу нив и повратникот Златан Ибрахимовиќ. Голем број фудбалери минале низ редовите на двата италијански гиганти, и без разлика на квалитетот и времињата во кои се наоѓаат страста за големото дерби никогаш не се намалува.

Дел од фактите и за ова 225-то дерби меѓу Интер и Милан:

  • Прво градско дерби по враќањето на Златан Ибрахимовиќ во Италија.
  • За големата дерби пресметка во Милано продадени се 75.817 билети.
  •  Шести натпревар на Интер сезонава пред своите навивачи со повеќе од 70.000 гледачи на трибините.
  • Интер од продажба на билети заработи 5,5 милиони евра.
  • Дерби број 225 меѓу Интер и Милан… Во Серија А нивна 172 пресметка во историјата!
  • ТВ пренос во повеќе од 200 земји во светот.

Незаборавен дел од големата дерби пресметка во минатото беше и капитенот на македонската репрезентација Горан Пандев кој во сезоната 2009/2010 постигна прекрасен погодок од слободен удар во победата на Интер од 2-0, тогаш под водство на Жозе Мурињо.

 

Се вчитува...