Манчестер сити надмоќно ја освои шампионската титула во Премиер – лигата оваа сезона, но тимот на Пеп Гвардиола ќе продолжи да игра фантастичен фудбал до самиот крај. На „Етихад“ како бос по трње си помина Свонси и загуби со 5-0, а „граѓаните“ поставија нов рекорд.
Избраниците на Гвардиола имаа неверојатни 1.015 обиди за додавања на овој меч (од нив 942 прецизни), што е нов рекорд во рамките на англискиот елитен шампионат, Сити стана прв тим што ја надминал границата од 1.000 обиди за додавање на еден премиерлигашки натпревар.
Следната цел на овој тим е да освои повеќе од 100 бода до крајот на првенството. На четири кола до крајот, „граѓаните“ имаат 90 бода и суверено владеат на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
