Претседателот на ФИФА, Џани Инфантино, се надева дека денес ќе ја добие поддршката од фудбалските федерации за да ја промовира идејата за организација на Светското првенство на секои две години.
Според „Sky Sports“, денеска ќе се одржи онлајн самит на кој ќе учествуваат претставници на фудбалски федерации од 211 земји. Инфантино се обидува да најде дополнителни извори на приходи за ФИФА. Во текот на годините на Светските првенства, приходите на организацијата значително растат. На пример, од Светското првенство во 2018 година, ФИФА заработи 4,6 милијарди долари, а за цела 2019 година само 766 милиони долари.
УЕФА и КОНМЕБОЛ се против проектот на Инфантино, сметајќи дека промените ќе го намалат интересот за СП. Сега играчите поминуваат околу 50 дена годишно во националните тимови – 80 проценти од времето играчите се во клубовите. ФИФА ветува дека ќе ја задржи оваа распределба во случај на реформи. Претходно ФИФА ги објави резултатите од анкетата, која покажа дека повеќе од половина од испитаниците би сакале почесто да се одржува Мундијалот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
