Интер продолжува со максимален ефект во Серија А. По пет натпревари има 15 бода, откако петтата победа ја оствари над Лацио на „Џузепе Меаца“ совладувајќи го римскиот состав со 1-0. Данило Д’Амбросио беше стрелец на победничкиот гол за тимот на Антонио Конте кој го чува на врвот на табелата.
Наполи доживеа шок на домашен терен и загуби од Калјари со 0-1. Елиф Елмас не беше во тимот, доби одмор и остана на клупата за резерви, а Лукас Кастро постигна гол за Калјари во 88.минута.
Фиорентина стигна до првата победа откако го доби дуелот против Сампдорија со 2-1. Пецела и Киеза беа стрелци за домашниот тим. Џенова одигра без голови пред своите симпатизери, а Горан Пандев остана на клупата за резерви.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА