Не стивнува сумирањето впечатоци по извонредната дерби пресметка во Серија А, во која Јувентус славеше по голем пресврт со 2-3 на гостувањето против Интер во Милано.
Дуелот, покрај исклучувањата, го одбележаа и два автогола и многу спорни судиски одлуки на кои им помагаше и ВАР технологијата. Во редовите на Интер беа и тоа како бесни по натпреварот, притоа фудбалерите не сакајќи да застанат пред медиумите во микс-зоната за вообичаените изјави.
Хрватскиот репрезентативец Марсело Брозовиќ, чии солзи по мечот ги забележаа и камерите, единствено им се обрати на фановите преку својот Инстаграм профил…
„Интер не загуби. Ги дадовме своето срце и душа. Резултатот зависеше од нешто кое нема врска со нашата претстава“ – напиша Брозовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
