Искусниот српски кошаркар Димитрије Николиќ (28 години, 211 см) е најновото летно засилување на МЗТ Скопје, откако денеска официјално стави потпис на договорот со скопскиот клуб.
Станува збор за искусен центар, кој зад себе има богата кариера и настапи во голем број екипи, како во Србија, така и во регионот и пошироко. Кариерата ја почна во Раднички од родниот Крагуевац, по што четири сезони (2017-2021) беше дел од белградски Партизан. Потоа настапуваше за Слога Краљево, Слобода Ужице, ФМП и Златибор, додека првото интернационално искуство го стекна во романска Крајова, каде што играше во два наврати. Во својата кариера ги носеше и дресовите на романски Брашов и литвански Невежис.
Тој е четвртото интернационално засилување на МЗТ Скопје за новата сезона, по Американците Лесли Ворнер и Ноа Фарахан, како и босанскиот центар Емир Крајиниќ. Договори со клубот имаат и Дамјан и Војдан Стојановски, Андреј Маслинко, Андреј Андоноски, како и повратниците Лука Стојановски и Никола Василевски, додека тренер на екипата останува Васко Атанасов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
