Бујар Ислами не е повеќе шеф на стручниот штаб на Ренова.
По серијата лоши резултати на „гипсарите“ Ислами денеска официјално поднесе оставка на позицијата тренер во клубот.
„Ислами не е повеќе тренер на Ренова откако си даде отказ на позицијата шеф на стручен штаб. Му благодариме за досегашниот придонес за развој на тимот во изминативе 17 месеци, и за историскиот пласман во Лигата на Европа“ – соопштија од ФК Ренова.
Од Ренова најавуваат дека наредниве денови ќе биде именуван новиот тренер на клубот. Ова е дури четврта тренерска смена на прволигашката сцена, откако претходно стратезите ги променија и Шкупи, Академија Пандев и Беласица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
