Фудбалската репрезентација на Италија го освои третото место во второто издание во Лигата на нации откако во малото финале славеше над Белгија со 2-1. По првото полувреме кое помина без голови, „аѕурите“ во вторите 45. минути го решија мечот.
Прво Николо Барела со маестрален погодок во 46. минута донесе водство од 1-0. На 2-0 зголеми Берарди во 65. минута од пенал. До крајот Белгијците преку Де Кетелар успеаја само да го ублажат поразот.
За потсетување финалниот меч во кој ќе се сретнат Франција и Шпанија ќе се игра вечерва од 20.45 часот на „Сан сиро“ во Милано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА