Меѓународниот центар за спортски студии го објави најновото истражување со кое ги вреднуваше најдобрите млади фудбалери во светот, меѓу кои се најде место и за Елиф Елмас.
Истражувањето се однесува на фудбалери до 23-годишна возраст во најсилните лиги во светот, а „македонскиот дијамант“ се најде во него како дел од елитата на плејмејкерската позиција чија цена достигнува 70 милиони евра.
Италијанскиот новинар Џузепе Канела смета дека Елмас е добар фудбалер, но дека неговата вредност е нереална, дополнувајќи дека ако тој вреди 70 милиони евра тогаш сигурно има роднини во Меѓународниот центар за спортски студии.
„Елмас вреди 70 милиони евра? Тој е добар фудбалер, но не може да вреди толку. Сигурно има роднини во ЦЕИС“, накратко изјави Канела.
Елмас има солидна сезона во Наполи, а со македонската репрезентација успеа да избори бараж за пласман на Светското првенство во Катар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА