Тотална доминација на италијанските атлетичари во сениорска конкуренција на Европското првенство во планинско трчање кое вчера се одржа во Скопје, а на кое настапија 255 атлетичари од 29 земји.
Италијанците триумфираа во две од четирите трки во младинска и сениорска конкуренција (мажи и жени) и освоија вкупно пет медали… Најуспешен Македонец беше Дејан Ангелоски кој стигна до 29. место во конкуренција на атлетичари до 20 години. Тој е единствениот кој во својата конкуренција се најде меѓу најдобрите 30 атлетичари на Стариот континент.
Во сениорска конкуренција триумфираше Бернард Дематис од Италија, пред сонародниците Чезаре Маестри и Мартин Дематис. Најдобар македонски атлетичар беше Муџахид Муслими на 73. место.
Во женска конкуренција, кај сениорките, триумфираше Моде Матис од Швајцарија, пред Анаис Сабрие од Франција и Ема Гулд од Велика Британија. Најдобра Македонка беше Андријана Поп-Арсова на 47. место.
Во конкуренција кај девојките до 20 години победи Анџела Матеви од Италија, додека Хајрие Азири на 39. место беше најдобра македонска претставничка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
