Македонскиот репрезентативец Елиф Елмас е најдоброоценетиот фудбалер на Наполи во вчерашната победа против Сампдорија во 3. коло од Серија А.
Заедно со стрелецот на двата погодоци во триумфот од 2-0, Дрес Мертенс, македонскиот фудбалер доби највисока оценка од италијанските медиуми за играта против тимот од Џенова.
„Малиот Модриќ ја чувствува играта со својата елеганција. Танцува фасцинантно на терен како тоа да е најлесната работа на светот, и секогаш максимално корисен за тимот… Анчелоти му даде самодоверба, и сега тоа е едноставно незапирлив. Постојано беше во срцето на играта, многу повеќе од сите останати негови соиграчи од средниот ред. Одлични индивидуални квалитети преку кои сам си создава можности и за гол, иако на крај остана несигурен при реализацијата“ – пишува „Кориере дела спорт“ која го оцени со 7,5 како најдобар фудбалер на мечот.
“Il piccolo Modric, danza come un’etoile: sembra un veterano!”. Elmas strega i quotidiani… https://t.co/OIbtU4Jzcq
— Napoli calcio-news24 (@news24_napoli) September 15, 2019
Извонредни оценки Елмас доби и од „Газета дело спорт“, „Тутоспорт“, „Република“…
Елмас за првпат ја доби довербата на Карло Анчелоти како стартер и одигра одлични 76 минути кога беше заменет со Инсиње. Согласно статистиката Елмас имаше 52 додавања во средниот ред со 92% прецизност, пет од осум добиени дуели и само една загубена топка, притоа со четири обиди кон противничкиот гол од кои еден шут во рамките на голот.
?? Italy | Serie A
Napoli 2:0 Sampdoria
Eljif Elmas was in Starting lineup ad played 76 minutes
Accurate passes – 52 (92%)
Shots on target – 1
Ground duels (won) – 8 (5)
Was fouled – 2
Tackles (won) – 1 (1)
Clearances – 1#NapoliSamp pic.twitter.com/nCEVlRZjQV— TOP Scout (@TOPScout3) September 14, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
