Ново признание пристигна од Комисиите за делегирање на судии на УЕФА за нашата најдобра фудбалска судијка Ива Пројковска која се наоѓа на листата на 20 елитни судии во Европа. Таа е одредена за главен судија на дерби мечот од првото коло од групната фаза во Лигата на европските шампиони меѓу првакот на Шпанија, Реал Мадрид и шампионот на Франција, Пари Сен Жермен.
Тоа е уште еден доказ за нејзините покажани одлични резултати на семинарот кој неодамна се одржа во Женева и на кој присуствуваа најдобрите женски судии во Европа.
Ќе и помагаат Елена Соклевска – Илиевска и Дијана Варага Араја од Литванија, а четврта судијка ќе биде Сабина Болиќ од Хрватска, контролор на судењето е Германката Кристина Батингер. Мечот се игра во Мадрид на 22 септември.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
