Македонскиот фудбалски репрезентативец Иван Тричковски е една од целите на грчкиот Панатинаикос, пренесуваат кипарските медиуми. Во Панатинаикос тренер е Србинот, Иван Јовановиќ со кого Тричковски соработуваше во АПОЕЛ.
Секако, капитенот на АЕК има договор со Ларнака, па за очекување е кипарскиот тим да се обиде да го задржи својот најдобар фудбалер. 34-годишниот Тричковски претходно има играно за Црвена звезда и Легија Варшава и Клуб Бриж, а со Иван Јовановиќ покрај во АПОЕЛ, соработуваше и во Ал Наср.
Популарниот Тричко во АЕК Ларнака е од 2016 година и е водечка фигура за клубот со повеќе од 80 голови во последните пет години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА