Македонскиот тенисер Калин Ивановски со победа ги стартуваше квалификациите на Челинџер 75 турнирот што се игра во јапонскиот град Јокохама. Тој во првото квалификациско коло го совлада домашниот тенисер Шинџи Хазава (24 год., 583 АТП ранг) со 2-1 во сетови (36 75 64) за 2 часа и 12 минути игра.
Првиот сет му припадна на Хазава, кој веќе во првиот гем направи брејк за водство од 1:0. Во шестиот гем Ивановски успеа да изедначи на 3:3, но до крајот на првиот сет македонскиот тенисер не освои ниту еден гем бидејќи противникот имаше уште два брејка во овој сет, притоа искористувајќи ја третата сет топка. Во вториот сет имаше само еден брејк и го направи Ивановски на почетокот на сетот. Во гемот беа одиграни 12 поени и македонскиот тенисер успеа да го добие и да поведе со 1:0 што се покажа како решавачко. Во третиот сет првиот брејк беше во третиот гем за водство на Ивановски од 2:1, но Хазава изедначи по брејкот во шестиот гем на 3:3. Во клучните моменти во финишот на сетот Ивановски имаше повеќе концентрација и успеа да направи брејк во 11.гем и поведе со 6:5, а во следниот гем ја искористи првата меч топка за 7:5 и пласман во финалето на квалификациите на Челинџерот во Јокохама.
Во следното коло противник ќе му биде Јан Баи од Кина, кому му го предаде мечот на претходниот Челинџер во Кобе (1.коло). Баи во првата квалификациска рунда го совлада Германецот Каи Венелт со 2-0 во сетови (64 64).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
