Најдобриот македонски тенисер Калин Ивановски успеа да се пласира во втората рунда на фјучурсот во Синтра, Португалија. Тој воедно ја оправда улогата втор носител со победата над Британецот Маркус Волтерс со 2-0 во сетови (64 76(5)).
Првиот сет беше решен во петтиот гем кога Ивановски успеа да направи брејк и на противникот да му го одземе гемот на сервис и притоа поведе со 3:2, а веднаш потоа и со 4:2. До крајот на сетот Ивановски ја задржа предноста и го доби сетот со 6:4. Во вториот сет имаше по еден брејк на за двајцата тенисери, па сетот беше решен во тај брекот. Ивановски поеде со 5:1 во поени, но противникот изедначи на 5:5, сепак следните два поена му припаднаа на македонскиот тенисер кој го доби сетот со 7:6, а воедно и мечот.
Во следното коло противник на Ивановски ќе му биде Дуарте Вела од Португалија.
Македонскиот тенисер Горазд Србљак ја мина првата пречка на фјучрсот во Куршумлијска бања, Србија (награден фонд 15.000 долари). Тој попладнево го совлада домашниот тенисер Александар Михаиловиќ со 2-1 во сетови (36 63 62) за 2 часа и 30 минути игра.
Првиот сет му припадна на српскиот тенисер кој по 3:3 во гемови направи серија од три гема и сетот го заврши со 6:3. Во следниот сет Србљак по 2:2 во сетот успеа да направи брејк и да поведе потоа со 4:2 и предноста ја зачува до крајот на сетот што го доби со 6:3.
Утре во второто коло Србљак ќе игра против носителот број 5 Свјатослав Гулин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
