Најдобриот македонски атлетичар, 19-годишниот Дарио Ивановски запиша историја за македонската атлетика со победата на интернационалниот белградски полумаратон, триумфирајќи со рекорд на новата патека.
Ивановски, патеката од 21,1 километар ја истрча со време од 1 час, 10 минути и 1 секунда што е негово најдобро остварување на полумаратонски трки…
„Пресреќен сум, верував дека може да стигнам до добро остварување, а на крајот за сета моја работа изминатиов период сум награден со првото место“ – вели по трката Ивановски.
А, на полумаратонот трчаше и неговиот тренер Игор Јакимовски кој заврши на десеттото место во конкуренција на повеќе од 2.000 натпреварувачи, со време од 1:18.40…
„Ова е историја за Дарио, и добра најава за тоа што не очекува на Скопскиот маратон на 7. мај“ – ни изјави Јакимовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
