Барселона ќе остане без услугите на Усман Дембеле кој заминува во ПСЖ. Ова го откри и тренерот Чави кој кажа дека е разочаран од Французинот, кој на крајот дал збор на челниците на тимот од Париз за негов трансфер од 50 милиони евра.
Тимот од Каталонија веќе бара негова замена, а последните информации говорат дека ветеранот Алексис Санчез е потенцијална замена за Дембеле. Санчез настапуваше во Барселона од 2011 до 2014 година, пред да замине во Арсенал.
Единствен добар потег е тоа што челниците на Барселона ќе го донесат овој играч како слободен, со оглед дека му истече договорот со Олимпик Марсеј, за кој настапуваше минатата сезона. Во минатото играше и во Интер, Манчестер Јунајтед и Удинезе, а беше позајмуван и во Коло Коло и Ривер Плејт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
