Шпанија е нов светски шампион, откако во драматичното финале успеа да ја совлада селекцијата на Аргентина и да стигне до својата втора историска титула. Еден од клучните архитекти на овој голем успех на „црвената фурија“ беше феноменалниот Ламин Јамал, кој одигра уште еден импресивен турнир и се етаблираше како светска суперѕвезда.
Иако сите очи беа вперени во него поради неговите мајстории на теренот, еден исклучително емотивен момент веднаш по завршувањето на натпреварот го привлече вниманието на јавноста. Наместо веднаш да почне со лудото славење со соиграчите, младиот шпански напаѓач по последниот судиски свиреж тргна во потрага по капитенот на Аргентина, Лионел Меси.
„Тој е најдобриот играч во историјата и некој на кого отсекогаш сум се угледувал. По натпреварот сакав да му искажам почит. Ако некој пред неколку години ми кажеше дека тука ќе го кренам трофејот на Светското првенство, откако сум играл против Лионел Меси, ќе мислев дека е луд. Ми кажа да продолжам по својот пат и дека иднината и припаѓа на нашата генерација. Тие зборови вредат исто колку и медалот што ми виси околу вратот“, изјави Јамал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
