Јелена Ѓоковиќ, сопругата на најдобриот светски тенисер Новак Ѓоковиќ, вечерва во Скопје како предводник на Фондацијата „Новак“ на промоцијата на документарниот филм на др. Габор Мате – „Мудрост на траумата“.
Документарецот е како најава за доаѓањето на Габор Мате во регионот на предавања организирани од страна на Фондацијата „Новак“, која ја води Јелена Ѓоковиќ, а кои се и тоа како корисни, не само за стручните лица од областа на психологијата, но и за сите родители во насока на образование и воспитание на децата.
Документарецот „Мудрост на траумата“ покрај во Скопје деновиве се прикажува и во Белград, Нови Сад, Ниш, а ќе следат промоциите и во Подгорица, Сараево и Љубљана, како најава за потоа прикажување на филмот уште во 43 града од поширокиот регион.
Од Фондацијата за нареден период најавуваат и доаѓање на најдобриот тенисер на сите времиња Новак Ѓоковиќ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
