Ливерпул загуби синоќа на гостувањето од Тулуз во Франција, но не е тоа пораз кој би го загрозил патот на „црвените“ кон следната фаза од Лигата на Европа.
Сепак, менаџерот на Ливерпул, Јирген Клоп, наиде на навистина непријатно изненадување на прес-конференцијата по крајот на мечот.
Германскиот стратег беше вчудоневиден кога виде дека импровизираната прес-сала е веднаш кај просторот на домашните навивачи кои еуфорично скандираа и пееја за време на целата прес-конференција. Тоа не можеше да го премолчи Клоп…
„Навистина, чија идеја беше овде да се одржи прес-конференција? Тоа би било интересно прашање. Не знам…“ – прокоментира Клоп, со израз на лицеот кој јасно кажуваше колку му е непријатно од тоа што се случува, но и како кикс е тоа на организаторите и на УЕФА која дозволи тука да се одржува прес-конференција.
LOL pic.twitter.com/4mIk5jttMM
— HLTCO (@HLTCO) November 9, 2023
Како и да е, Клоп се обидуваше брзо да одговара на прашање за што побрзо да заврши сета таа бламажа.
И француските медиуми испратија низа критики за местото на одржување на прес-конференција, потенцирајќи дека Клоп не заслужил такви провокации без разлика дали тие се намерно смислени, или случајни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
