Во водите на Охридското езеро се одржа Државното првенство на Македонија во едрење, во класа Ласер Радијал, во организација на Едриличарскиот клуб СНЕГАР и Едриличарската федерација на Македонија.
Натпреварот се одржа на градската плажа во Струга и на неа учествуваа едриличари од двата соседни града Охрид и Струга. Условите за едрење беа добри, се одржаа пет трки на ветар од 2-3 бофори од јужен правец.
Во генерален пласман најдобар беше едриличарот на ЕК Снегар – Струга, Илија Јовчески, втор беше Дамјан Поп Стефанија од ЕК Пират – Охрид додека третопласиран беше младиот едриличар од Струга – Слободан Кутаноски.
Според натпреварувачката програма на Едриличарската федерација на Македонија, следуваат Ohrid Lake Sailing Cup part 2 – Struga на кој учесниците се натпреваруваат со јахти од 5 до 8 метри како и Меѓународната Илинденска Регата која оваа година по подолго време добива меѓународен карактер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
