Манчестер јунајтед добива силна конкуренција откако Баерн Минхен решил сериозно да се вклучи во трката за играчот од средниот ред на Барселона, Френки де Јонг. Барселона е во финансиски проблеми, па е спремна да го продаде 24-годишниот плејмејкер ова лето доколку пристигне понуда од 80 милиони евра.
Манчестер Јунајтед подолго време преговара и постигна договор со Барселона, но Де Јонг одбива да се пресели на „Олд Трафорд“ бидејќи сака да игра во Лигата на шампиони. Таквата ситуација сака да ја искористи Баерн Минхен, кој веќе почнал преговори со Барселона и е спремен да плати голема сума, пренесуваат германските медиуми.
Баварците денес треба да го комплетираат трансферот на Матијас де Лихт од Јувентус, а потоа можат да го донесат и неговиот пријател Де Јонг од Барселона.
🚨| Frenkie de Jong does not want to join Manchester United! The Dutchman would be ready to leave Barcelona only for one club – Bayern Munich, which will sign Matthijs de Ligt soon! [@footmercato] #FcBayern #DeJong pic.twitter.com/Aph5SbHFKx
— BayernZone (@TheBayernZone) July 17, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА