Манчестер јунајтед експресно им се врати на победите по ремито со Стоук во минатото премиерлигашко коло, рутински совладувајќи го Евертон со убедливи 4-0. Иако конечниот резултат е преубедлив, мора да се истакне дека „карамелите“ одлично се држеа се до десетина минути до крајот, кога при резултат 1-0 не искористија неколку убави шанси за израмнување.
Антонио Валенсија со еврогол ја најави победата на самиот почеток од дуелот на „Олд трафорд“, а Ромелу Лукаку промаши две одлични шанси да ја зголеми предноста. „Ѓаволите“ имаа среќа што Давид де Хеа беше расположен на голот, па ги одбрани шутевите на Руни и на Сигурдсон, за во последните десет минути целосно да биде скршен отпорот на гостите со головите на Мхитаријан и на Лукаку.
Конечните 4-0 беа дело на Марсијал од пенал откако еден гостински дефанзивец играше со рака во сопствениот шеснаесетник.
Со оваа убедлива победа Јунајтед се искачи на чело на табелата, со ист број бодови и за еден погодок подобра гол-разлика од градскиот ривал Манчестер сити.
Antonio Valencia Super Goal HD – M……… U…. by livefootball10
Goal Mkhitaryan H. (2:0) Manchester United vs… by expressgoals
Romelu Lukaku Goal Manchester United 3-0… by ZidaneHD
Martial A. (Penalty) Goal HD – Manchester… by sporttv724
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
