Фудбалскиот клуб Манчестер Јунајтед се повлече од Европската асоцијација на клубови (ЕЦА), а извршниот потпретседател на клубот Ед Вудвард поднесе оставка од сите свои функции во УЕФА.
Вака пренесува „Скај Спорт“, а истиот медиум вели дека ваков потег направиле и Јувентус, Милан и Интер. Причината е добро позната, овие клубови се едни од основачите на фудбалската Суперлига, против која јавно се спротиставија ФИФА и УЕФА, како две најважни организации во фудбалот.
Претседателот на Јувентус, кој беше претседател на Европската асоцијација на клубови, Андреа Ањели, исто така се повлече од тоа тело и Извршниот одбор на УЕФА, со цел да ја преземе улогата на потпретседател на новоформираната Супер лига. ЕЦА е единственото такво тело признаено од УЕФА.
Европската клупска комисија е тело што ги застапува интересите на над 200 професионални фудбалски клубови кои се натпреваруваат под покровителство на УЕФА.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА