Манчестер јунајтед обезбеди настап во Лигата на шампионите следната сезона откако во директната пресметка од последното коло во Премиер-лигата славеше со 0-2 на гостувањето против Лестер.
Триумф за посакувано место меѓу најдобрите четири екипи во лигата, кој го најави Бруно Фернандеш од пенал во 71. минута, а го запечати Лингард дури во осмата минута од судиското продолжение.
Челси, пак, си ја осигура третата позиција со триумфот од 2-0 против Вулверхемптон. Триумфот на „сините“ го донесоа Масон Монт и Гиру со погодоците во судиското продолжение од првото полувреме.
Шампионот Ливерпул славеше на гостувањето против Њукасл со 1-3. Стрелци за тимот на Јирген Клоп беа Ван Дијк во 38. минута, Ориги во 59. минута и Мане во 90. минута.
Манчестер сити убедливо со 5-0 славеше против Норвич. Со головите на Габриел Хесус и Де Бруин уште во првиот дел од натпреварот Сити ја најави победата, која ја заокружија Стирлинг, Махрез и Де Бруин со својот втор гол.
РЕЗУЛТАТИ – 38. КОЛО
Арсенал – Ватфорд 3-2
Барнли – Брајтон 1-2
Челси – Вулверхемптон 2-0
Кристал Палас – Тотенхем 1-1
Евертон- Бурнмаут 1-3
Лестер – Манчестер јунајтед 0-1
Манчестер сити – Норвич 5-0
Њукасл – Ливерпул 1-2
Саутемптон – Шефилд јунајтед 3-1
Вест Хем – Астон Вила 1-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА