Најдобриот македонски тенисер, Калин Ивановски се пласираше во осминафиналето на јуниорскиот Вимблдон, откако во второто коло во крајно интересен натпревар славеше над Литванецот Едас Бутвилас со 2-0, по сетови 7-6 и 7-6.
Ивановски имаше брејк позитива во првиот сет, но Литванецот брзо се врати по што сетот замина во одлучувачкиот 13. гем, во кој посконцетриран беше нашиот тенисер и со 7-4 го доби тај-брејкот и поведе со 1-0 во сетови. Вториот сет беше вистински маратон. Прво Ивановски успеа да спаси три врзани брејк топки, за потоа на 5-4 не успеа да искористи две меч топки и сетот повторно да замине во тај-брејк. Таму се водеше вистинска битка, а нашиот Ивановски успеа да ја добие со 8-6.
Ивановски во осминафиналето ќе игра со подобриот од мечот меѓу Бразилецот, Жоао Виктор Коуто Лоуреиро и домашниот тенисер Џак Пинингтон Џоунс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА