Драган Канатларовски, селекторот на младата репрезентација на Македонија го објави списокот за натпреварот со Молдавија во квалификациите за Европското првенство.
Македонија стартуваше со победа над Шведска на гости, и пораз дома од Холандија. Канатларовски кажа дека како одминува времето, се повеќе му е жал за натпреварот со Холандија и поразот после толку неискористени шанси.
„Како вашите, така и нашите очекувања од оваа млада селекција, ни дава надеж дека можеме да направиме една добра репрезентација за овој циклус. Играчите кои се повикани е тоа со кое располагаме. Најдобро беше да се земат шест бодови од првите два меча, но не успеавме. Меѓутоа задоволни сме, се покажува единствно, голема хемија меѓу играчите и го даваат максимумот на секој натпревар. Против Холандија, како времето одминува се повеќе ми е криво зошто не излековме поволен резултат. Сега пред нас имаме нов натпревар, еден предизвик и со нетрпение го очекуваме дуелот со Молдавија, и се надеваме дека со позитивен резултат ќе се вратиме дома“, рече Канатларовски.
Селекторот додава дека мечот со Молдавија е најважен во овие квалификации, ако се скаа да се остане конкурент за првите две места во групата.
„Овој меч со Молдавија ни е најважен во овој циклус. Од минатото не се живее, а ако сакаме да бидеме конкуренти за првите две места мора да го добиеме“, кажа селекторот на младата репрезентација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
