Капата доле – за „Супер Столе“

ЕКИПА во Виена,

Стеван Цаневски

Кире Лазаров го постигна победничкиот погодок, Никола Митревски бранеше извонредно и имаше 15 успешни интервенции, но рамо до рамо со нив двајца на листата најзаслужни за големата победа дефинитивно беше Стојанче Стоилов.

Борбениот пивот „изгина“ на линијата од шест метри, добивајќи безброј дуели со корпулентните Украинци, кои не најдоа начин да го неутрализираат ова оружје од нашиот напад.

Бројките говорат најдобро, четири гола од исто толку обиди, но покрај тие погодоци зад името на Стоилов останаа запишани и три асистенции, три изнудени пенали, две изнудени исклучувања… како и безброј благовремени стартови во одбраната.

Затоа, за денешниот настап – „капата доле за Супер Столе“.

Се вчитува...