Најавата од Реал Мадрид дека 20 европски клуба ја започнуваат Суперлигата, затворен турнир во кој учество ќе имаат најбогатите, предизвика негодување низ целиот свет.
Навивачите и легендите на клубовите што најавија учество на овој турнир се побунија против идејата за Суперлига. Еден од нив е Џејми Карагер, легендарниот дефанзивец на Ливерпул, кој на „Твитер“ јавно ја критикуваше управата на „црвените“.
“Ливерпул ова е бедно, каква срамота станавме! Да се потсетиме на сите што биле во овој клуб пред нас и кои подеднакво би се срамеле”, порача Карагер.
Целата кариера Карагер (1996-2013) ја помина во Ливерпул, каде со 737 настапи е втор во вечната листа, додека со 149 натпревари во европските купови е рекордер на „црвените“. По пензионирањето, тој стана почитуван коментатор на фудбалска телевизија.
Потсетуваме дека Реал, Милан, Арсенал, Атлетико Мадрид, Челси, Барселона, Интер, Јувентус, Ливерпул, Манчестер Сити, Манчестер Јунајтед и Тотенхем објавија дека постигнале договор за создавање на ново натпреварување – Суперлигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
