Каратистите на Макпетрол од вчера се на подготовки во својата тренинг база во хотелот Макпетрол во Маврово.
Тренерот Бошко Заборски вели дека комплетните подготовки сега се насочуваат во функција на што подобра подготовка за Европското првенство кое не очекува во Софија.
„Не смееме и не можеме да оставиме ништо на случајност. Ние секогаш правиме се што е во наш домен за максимална подготовка на нашите репрезентативци. Првиот дел од еднонеделните подготовки го завршивме на почетокот на месец јануари.Потоа имавме заеднички викенд подготовки со бугарскиот национален тим. Вториот дел го направивме во Скопје во нашата тренинг сала и сега сме во завршната трета фаза од овој дел на периодизацијата до европското првенство за кадети,јуниори и (У21, постари Јуниори), кое треба да се одржи во Софија. До почеток на првенството имаме уште неполни две недели. Во Маврово ќе останеме една недела до 11.февруари и последниот ден имаме и заеднички тренинг со репрезентацијата на Македонија во Скопје. За подобра подготвеност на нашите репрезентативци го вклучивме и ангажиравме комплетниот сениорски погон од клубски натпреварувачи вкупно 15 сениори-ки ќе работат за подобра подготвеност на нашите репрезенти: Петар Заборски (-75), Моника Пендаровска (-55) и Анѓела Мојсовска (-68)“ – вели Заборски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
