До крајот на најлудиот трансфер рок во последната деценија остануваат уште два дена во кои по „тектонските пореметувања“ на фудбалската карта со трансферите на Лео Меси, Кристијано Роналдо, Серхио Рамос и Ромелу Лукаку можни се уште две „бомби“.
До истите може да дојде само доколку ПСЖ ја прифати понудата на Реал Мадрид за трансферот на Килијан Мбапе, а „светците“ успејат да го доведат Ерлинг Халанд како негова директна замена, интересно за трансфер вреден 180 милиони евра, колку што бара и ПСЖ за услугите на Французинот.
Сепак за ваквиот „рикошет“ се прашува и Борусија Дортмунд која ова лето даде дознање дека нема намера да го продаде норвешкото „чудо од дете“ дури и доколку тоа значи загуба од 105 милиони евра. Како потсетување, откупната клаузула на Халанд до Дортмунд е 75 милиони евра и истата ќе може да биде активирана следното лето.
„Ние сме фудбалски клуб, не сме банка. Претпоставувам дека ќе се соочиме со луди шпекулации во следните два дена. Но, нашата позиција е јасна и не мораме постојано да се повторуваме како папагали. Халанд ќе биде дел од Дортмунд и по 1. септември“, изјави спортскиот директор на Борусија, Михаел Корк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА