Елиминацијата на шампионката од Вимблдон и поранешна шампионка на Австралија Опен, тенисерка број два во светот, Анжелик Кербер досега е најголемото изненадување на првиот годинашен грен-слем турнир. Германката го загуби осминафиналниот дуел со 35. на ВТА листата, Австралијката Данел Колинс во два сета во кои доби само два гема. мечот траеше 56 минути.
Дебитантката Колинс во четвртфиналето ќе се соочи со подобрата од дуелот меѓу Слоун Стивенс и Анастасија Павличенкова.
When you can’t believe what you have just done ?
Danielle Collins celebrates the biggest win of her career.#AusOpen pic.twitter.com/Vg0mzjL2YO
— #AusOpen (@AustralianOpen) January 20, 2019
Уште една Австралијка направи подвиг во осминафиналето. Ешли Барти ја елиминираше Марија Шарапова. Русинката се бореше многу повеќе од Кербер, одигра три сета, решавачкиот го загуби со 6-4 откако претходно го доби воведниот со 6-4, а потоа тргна пресвртот на Барти на која вториот сет и припадна со уверливи 6-1.
Барти за место во полуфиналето ќе игра против Петра Квитова која забележа осминафинален триумф од 2-0 во сетови во мечот со Американката Аманда Анисимова.
The most famous victory of her young career.
Congratulations, @ashbar96 ???#AusOpen pic.twitter.com/MEvPFeKZc7
— #AusOpen (@AustralianOpen) January 20, 2019
Рафаел Надал во четвртфиналето ќе игра против Франсис Тијафо. Шпанецот го обезбеди 37. четвртфинале на грен-слем турнирите победувајќи го Томаш Бердих со 3-0 во сетови (6-0.6-1,7-6). Тијафо оди меѓу осумте најдобри по осминафиналната победа од 3-1 во сетови на Григор Димитров.
3⃣7⃣ Grand Slam quarterfinals ?#AusOpen pic.twitter.com/KDeCUXuMMe
— #AusOpen (@AustralianOpen) January 20, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА