Ракометарите на полски Кијелце се третиот тим кој обезбеди место на Фајнлфор турнирот во Келн во Лигата на шампионите.
Во реванш дуелот против Веспрем, Кијелце вечерва убедливо славеше со 31-27 (18-12), на тој начин пласирајќи се на Ф4 по оние 29-29 од првиот натпревар во Унгарија.
Шимон Сичко и Алекс Душебајев со по шест погодоци беа предводници во победата на Кијелце, а Недим Ремили со седум гола беше најефикасен во редовите на Веспрем.
Од претходно, место на Фајнлфор обезбедија и ПСЖ, како и Магдебург кој ја елиминираше полска Висла Плоцк. Фајнлфор турнирот во „Ланксес арената“ во Келн ќе се игра на 17. и 18. јуни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
