Германскиот ракометен клуб Кил е прогласен за шампион за 2020 година со одлука на Ракометната федерација на Германија, а „зебрите“ веднаш почнаа и со брендирани производи со клупското лого. Покрај редовните маици и шалови, сега во продажба се и маски за заштита од коронавирусот кои се брендирани – „Кил германски шампион 2020“.
Кил ја освои 21. титула во историјата иако оваа сезона не се доигра до самиот крај. Но, најтрофејниот германски ракометен клуб е прогласен за шампион откако оствари 22 победи на 26 натпревари и се наоѓаше на водечката позиција на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
