Најдобриот македонски ракометар Кирил Лазаров е избран за најдобар десен бек на деценијата во светот, согласно изборот на читателите на специјализираната ракометна интернет-страница „Хендбол планет“.
Лазаров доби 67% од вкупните гласови околу изборот за ракометар на десната бековска позиција. Македонскиот репрезентативец доби 6.400 гласа, а далеку зад него останаа Ласло Наѓ (23% од гласовите, 2,179 гласа) и Алекс Душебајев (10% од гласовите, 997 гласа). Лазаров доби и најмногу гласови од жирито – вкупно 34.
За најдобар ракометар во последната деценија избран е францускиот репрезентативец и член на ПСЖ, Никола Карабатиќ, а на позицијата најдобро лево крило е избран актуелниот ракометар на Вардар, Русинот Тимур Дибиров.
НАЈДОБРИОТ ТИМ НА ДЕЦЕНИЈАТА:
Голман: Арпад Штербик (пензиониран)
Лево крило: Тимур Дибиров (Вардар)
Десно крило: Лук Абало (Елверум)
Лев бек: Микел Хансен (ПСЖ)
Десен бек: Кирил Лазаров (Нант)
Плејмејкер: Домагој Дувњак (Кил)
Пивот: Бјарте Мирхол (Скјерн)
Најдобар дефанзивец: Виран Морос (ПСЖ)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
