Кошаркаскиот клуб Пелистер доби нов извршен директор. На местото на Филип Ивановски, е назначен Предраг Созовски.
Од клубот најавуваат дека наскоро ќе бидат пополнети и другите места во раководните структури, а ќе биде објавен и новиот тренер.
„КК Пелистер ја информира јавноста дека изврши промени во раководечката структура на клубот за сезоната 2026/27. На позицијата извршен директор на клубот на истек од договорот заминува Филип Ивановски, на кого клубот му е благодарен на преданоста и професионалноста. На негово место е назначен Предраг Созовски, кошаркарски работник, тренер и спортски работник кој цел живот е во кошаркарскиот спорт. Тој целосно ќе се посвети на својата нова функција и со своето професионално познавање на материјата и искуството веруваме дека ќе му даде правец на нашиот проект. Созовски се откажа од своите обврски во образованието за да се посвети на КК Пелистер, што е потег за поздравување. Клубот наскоро ќе ги именува другите структури во клубот, ќе назначи тренер и ќе ја формира екипата за сезоната 2027/28. Целта е да се продолжи континуитетот за борба за виоски позиции во македонската клупска кошарка“, стои во соопштението на КК Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
