Кошаркарите на Лос Анџелес клиперс поведоа со 1-0 во четвртфиналната серија во Западната конференција од плеј-офот во НБА лигата откако вечерва му одржаа лекција на домашен терен на Далас маверикс совладувајќи го со убедливи 109-97.
Клиперс сите дилеми околу победникот ги реши во вториот период кога на противникот му дозволи само осум поени, а на пауза замина со позитива од 26 поени (56-30). Во вториот дел избраниците на Тајрон Лу само рутински го приведоа мечот за конечен триумф од 109-97.
Џејмс Харден со 28 поени беше најдобар поединец во таборот на победникот, додека кај поразените не беа доволни 33 поени на Лука Дончиќ и 31 поен на Кајри Ирвинг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
